Ka Indian Army da yoh ko hadooh 40,000 ylli ki Bulletproof Jacket wa da chna hapoh ka ri hi neibynta ki chipai yong ka khamtam wow yakhun pyrchah ya ki seiñ kieñsuloi ha Jammu & Kashmir.
U Major-General Anil Oberoi (Retd) yong ka SMPP Pvt. Ltd., da ong u wa ka karkhana yong oo kyrmen ko wow ekti ya kini ki Bulletproof Jacket cha ka Indian Army hapoh i por wa da booh.
Da ong u wa hapoh chisnem toh u ekti ki 36,000 tylli kini ki Jacket tangwa da ye ki wow ekti hadooh 40,000 tylli cha ka Indian Army.
Da pynrap u leh deiwa ong wa katkam ka soskular toh u pyndep u ekti 1.8 Lak tylli kini ki Jacket ha u snem 2021 tangwa ka karkhana yong oo (SMPP Pvt Ltd) kyrmen ko wow pyndep u ekti ya ki ha u 2020.
Ya kini ki Jacket da phah cha ka Central Ordnance Depot, Kanpur wei neini won daw phah ya ki cha Jammu and Kashmir wa kiwi ki jylla.
U Oberoi da kam u wa kini ki Bulletproof Jacket ye ki u pynsangeh ya u kuli wa siat na ka suloi AK-47.
Ka Ministry of Defence da soi soskular ko wow thied 1.8 Lak tylli kini ki jacket na ka SMPP Pvt. Ltd. hei dor wa T. 639 Klur.
Discussion about this post