Ka jhaad yapam ‘Himgiri’, kawa man ka jhaad wa nyngkong dooh na ki le tylli kiwa hapoh ka Project 17A kawa da chna ha M/s Garden Reach Shipbuilders and Engineers Limited (GRSE), Kolkata da pynlait (Launch) ya ka ynne ka 14 tarik heiwa da yooh ko ya ka um ka wah Hoogly River heipor 13:35 waje.
Ya kani ka jhaad da pynlait da u General Bipin Rawat, Chief of Defence Staff (CDS) uwa da man leh kam u kongsan.
Deiwa bood ya iwa pynmlien ka Indian Navy, ka Madhulika Rawat, kawa man ka kurim u CDS heipor wa pynlait ya kani ka jhaad da engooh ko ya ki kyntien na ka Atharva Veda.
Hapoj ka Project 17A Program, daw chna 7 tylli ki jhaad, 4 tylli ha Mazagon Dock Shipbuilders Limited (MDL) wa 3 tylli won ha GRSE.
Kani ka jhaad ‘INS Himgiri’ da pynyoo ko ya i raikut ka GRSE wow chna ya ki jhaad katkam ka juk wa katni ya ka Indian Navy deiwa bood ya i thong krehkaam ka sorkar wa ong Atmanirbhar Bharat.
Ya kani ka jhaad daw pynemkaam noh da ka Indian Navy.
