Ka Lumdiengjri Police Station kawa em ha East Khasi Hills da pynbna ya ka kam ka Best Police Station hapoh Meghalaya wei da yoh ko ya ka Certificate of Excellence kawa da e da ka Home Ministry hawa pynbna ya ki Best Performing Police Station hapoh ka ri kiwa da leh bha ha u snem 2020.
Kamtæ ynnin ka sngi, u Inspector General of Police (ER) u M.K. Dkhar, IPS da ekti u ya ka ‘Certificate of Excellence Award’ cha u Officer-in-Charge Lumdiengjri Police Station, u Inspector K.P. Singh deiwa emlang u Superintendent of Police East Khasi Hills, u S. Nongtnger, IPS.
Ka Ministry of Home Affairs (MHA) nadooh wa phah u PM Modi ha u 2015, da pynbna ki ya ki Best Performing Police Station heiwa ha u snem 2020 hapoh ka ri da yoh nyngkong ka Nongpok Sekmai Police Station, Thoubal, Manipur wei kiwi ki jylla na Northeast kiwa em haka Top 10 toh ka Kharsang Police Station, Changlang, Arunachal Pradesh kawa yoh wa le wa ka Pakyong Police Station, East District, Sikkim kawa yoh heiwa ynñiaw.
