Yoh ka Meghalaya Rs. 199 klur yow pynkylla dur ya ka Umiam wa ka Mawkhanu

Ka Meghalaya kam chibynta wow pynku ya ki kaam uiñke suwari, da yoh ko Rs. 199 klur hapoh ka “Special Assistance to States for Capital Investment–Development of Iconic Tourist Centres to Global Scale” Scheme yong u snem 2024-25.

Kani man ko kam chibynta na ka Rs. 3,295.76 klur cha ki 23 tylli ki jylla ha India yow pynman ya ki thaw uiñke suwari kiwa em yeiwa emkaam katkam ka juk wa katni.

Ya kani ka poisa daw pynemkaam neibynta ki ar tylli ki thaw ha Meghalaya, kitæ toh neibynta ka nan Umiam wa neibynta ka Mawkhanu heiwa daw pynlut mar Rs. 99.27 klur wei ka Meghalaya man ko kawi na ki 5 tylli ki jylla wa yoh boon dooh kani ka bhah poisa na kani ka Scheme heiwa kiwi ki jylla wa heh ym em wa yoh palat Rs. 100 klur lait noh ka Assam.

Ha nan Umiam da booh thong wow chna ya ka Crafts Village, Arts and Culture Pavilion, Botanical Garden, Amphitheater wei wow chna leh ki luti syngkieñ wei daw man ko leh kam chibhah wow wanrah ya ka Western Bypass Highway yow pynkyllooid ya u sarok Shillong wa cha Sohra.

Kamwa man kattæ da em 16,222 ngut kiwa wan cha Umiam ha chi snem wei da yooluti wa manda dep u chna ya kini waroh kiwa dang thymme daw ku cha 1,27,750 ngut kiwa uiñke suwari kiwa daw wan ha ka chi snem wei daw mih leh 1,168 tylli ki kreh wei daw yoh myntoi leh kiwi kiwa 2,675 ngut na kiwi ki kreh wa daw mih pateiñ.

Related posts

Nadooh u 2021 da chem 658 ngut ki Bangladeshi wei da pynliwan ya ki 194 ngut: Prestone

February 17, 2026

Yap ar ngut heipor wa dang chna Bomb

February 17, 2026

Da booh thong leh wow chna ya ki Luxury Resort, Glamping Sites wa kiwi de ki thaw kiwa daw chna dei wym ktah ya ka ramaw.

Ha Mawkhanu daw chna ya ka Meghalayan Experience Theme Park, Festival Ground, Amphitheater deilang wa kiwi de yow ye u pynman ya ka Cherry Blossom Festival heini kamjooh kiwi ki tamasa wow pynyoo rong yei sap i phong ki bru ka jylla kamjooh ka dustur riti.

Ha kani ka thaw da yooluti wow wan 2.5 lak ngut ki bru ha chi snem deiwa pynmih 1,016 tylli ki kreh wa 2,327 kiwi ki jait reh wow mih deiwa em kani.

Sa kawi ka thong toh wow sdang ya ki PPP Project yow booh ya ka Amusement Park, Convention Center, ki thaw sah wa syad dor, ka Golf Course kiwa daw pynmiat chooh chooh ya kani ka thaw.