Ka Indian Railway da yaleh bha ko wow man kam ka chnat wa duna dooh i pynmih tdem namo Net Zero Carbon Emitter hapoh u 2030.
Kam chibynta ini da booh thong wow pynemkaam da ka bordiñ ya ki rel ha waroh kawi ka thaaiñ North East, kamtæ neiliang ka Northeast Frontier Railway da ye ko u pynkrehkaam ya ka Dudhnai–Mendipathar (22.823 Track Kilometre) kawa chiliang (Single Line Section) wa ka Abhayapuri-Pancharatna (34.59 Track Kilometre) kawa arliang (Double Line Section) ha ka 15 tarik uni u bnai. Ka Central Organization for Railway Electrification (CORE) da pyndep ko yei pynkreh wow pynpoi bordiñ ha waroh kini ki bynta namo ki Section.
Ka Mendipathar toh du ka ka Railway Station ha Meghalaya wa da krehkaam nadooh u 2014 ya kawa da wai da u Montri Rangbahdooh ka ri.
Hadien wa pynkrehkaam ya ki rel wa pynemkaam da ka bordiñ, ki rel da ye ki wow kit lang wa ki mar nadooh wa mih ki na Mendipathar, Meghalaya iwa daw yarap wow pynsmat yei por wa lai ki rel heiwa daw ye ki wow kit bru wa ki mar ha i dor wa toh khlem da hap wow lai luki.
Ini daw yarap ko leh wow pynpoi ya kiwi ki rel wa kit mar wa pynemkaam dei bordiñ wow poi bait ki cha Meghalaya.
I pynemkaam dei bordiñ daw yarap ko leh ya ka rymaw deiwa dam noh u pynemkaam yei Diesel iwa daw yarap leh yei lai ryntih ki rel wei daw lait leh nei sepai i por kamjooh ka poisa.
