Yoh ka Meghalaya ya ka kabu ksiar wow jop ya ka Manipur ha ka Ranji Trophy

Shillong: I lehbha kiwa Bat wa kiwa kawang bol ka Meghalaya da booh ki ya ka laad wow jop pyrchah ya ka Manipur ha ka Ranji Trophy ynne ka sngi wa pynman ha Kolkata.

Ka Meghalaya da pteiñ  ko ya ka sngi wa ar neiwa ieh ko ynnin da 82/1 wow jubab ya ka iwa kamai ka Manipur da 211 Run, wei ka Meghalaya da kami ko waroh da 326 ha ka First innings, deiwa pyntam 115 Run.

Ya ka Meghalaya u Raj Biswa da pynkut u ya ka yalehke deiwa kamai 47 Run khlem haap ka Wicket u ynnin wei ynne ka yoh u 87 Run chwa wow haap ka Wicket u.

U Biswa deilang wa u Punit Bisht da kamai lang ki 102 neibynta ka Wicket wa le wei u Punit Bisht da kamai u 92 Run na ki 88 tylli ki bol. Rap cha tre kiwa Bat ka Meghlaya u Gurinder da kamai u 56 Run yow yarap ya ka Meghalaya wow kaap ko palat ya ka 300 Run.

Related posts

Super Division Saipung: Jop ka Jalaphet Pyrdung wa ka Mulait United

November 19, 2024

Psiah Quarter sa ka 11 Deilang ha Wahiajer

November 19, 2024

Neiliang kiwa kawang bol ka Meghalaya u Abhay Negi da yoh u 2/16, Gurinder da yoh u 5/21, u Aditya Singhania da yoh u 1/38 heiwa ka Manipur da kamai ko da 125/8, iwa pyntam 10 Run ha chwa wow kut ka yalehke ynne ka sngi iwa booh ya ka Meghalaya ya ka kabu ksiar wow pynjop mynstep ka sngi.