Ka jylla Meghalaya da yoh ko ya kawa nyngkong dooh ki Commando kynthai kiwa tip kam ki Meghashakti Women Commando kiwa em hapoh ka SF10 wei da man ki leh ka Women Commando Unit wa ar hapoh ka ri wei da pynpsiah kreh ki ynnin ka sngi.
Kini ki Commando kynthai da em ki 52 ngut heiwa neiliang u Montri Rangbah ka jylla, u Conrad Sangma da ong u wa ki kynthai yong i ym toh kiwa kom deiwa pynsakhait yeini ynne ka sngi neibhah hawa pyrkhat i ya kitæ ki Commando da pyrkhat i du ya ki chynrang.
Neiliang won u Montri ki Kaam Pohyung, u Lahkmen Rymbui da ong u wa ki pulit ka Meghalaya da man ki kiwa kreh chitom hanla duna bru leh heiwa da ye ki wow leh ya chiboon ki kaam.
Da khana u leh wa ki SF-10 toh kiwa ye noh u psiah leh cha ki kaam pulit wei kini ki kynthai wa boon toh kiwa wan na kiwa boon ki Battallion wa ki chnat pulit.
Da emlang leh ha ka kani ka Induction Ceremony deilang wa u DGP ka jylla, u Dr. L R Bishnoi, u Chief Secretary ka jylla u DP Wahlang wa kiwi kiwi de.
