Ka “Na Kper: Home Garden’s Harvest” kawa na jylla Meghalaya da yoh ko ya ka Silver Innovations Award neibynta u Chyrmit Lakadong katwa ka “Dalade” da psiah ko ha ka Top 10 neibynta i Ginger Infused Honey (Um-ngap wa chna lang wa u sy’iñ).
Ka SIAL India kawa man kawi na ki yaaw pynyoo-rong namo ka B2B Food Expo da sdang ya ka ynne ha Pragati Maidan, New Delhi wei u kut ko ha ka 11 tarik uni u bnai heiwa ynne da wan hadooh 20,000 ngut ki bru.
Ka Meghalaya da kreh ko wa ka SIAL India kam ka Partner State ha ka sien wa le heiwa da pynyoo-rong ya ki 17 jait ki mar wa da pynmih na ka jylla.
Ha kani ka yaaw da pynyoo-rong ya u Chyrmit Lakadong, sy’iñ, khoo-pnah, um-ngap, ki soh wa kiwi kiwi.
Ka Meghalaya Pavilion da wai ya ka ynne da ka Chief Secretary ka Meghalaya ka Rebecca Suchiang hei emlang u Chairman APEDA, Dr. M Angamuthu, Deputy High Commissioner Embassy of Canada, ka A. Strohan, Deputy Head of Mission ka Austrian Embassy, M Radosztics wa u Trade Commissioner and Director of Business France for South Asia Embassy of Paris, u E. Fajole wa u Commissioner & Secretary ka sorkar Meghalaya, u Dr. D. Vijay Kumar.
