U Montri Rangbah ka jylla, u Conrad K Sangma ynne da lai embynta u ha ka yalang wa da pynman ha USTM, Meghalaya yow lehkmen yei yoh tipmit na ka National Medical Commission (NMC) ya ka P A Sangma International Medical College and Hospital (PIMC).
U Conrad hawa e yei klam da e khublei u ya ka USTM yeiwa yoh ko yeini i tipmit kamjooh da e khublei u leh ya u Union Minister, u J P Nadda, Ministry of Health & Family Welfare yeiwa kyrchaan u deiwa tipmit ya 150 tylli ki Seat ha kani ka Medical College, wei dapoi cha kani ka thong toh deiwa kreh chitom wow booddien nadooh u snem 2008 hadien wa da mynjur ya ka USTM Bill wei iwa man ka USTM katni pynyoo ko yei kreh chitom kani ka thaw puræ.
Da kynmoo tympang u leh ya u (L) P A Sangma uwa da ngait yei bor ki khynroo khyllood kamjooh u (L) Dr. Donkupar Roy kiwa da ye u yaleh ya iwon iwon i eh i khoo wa maad ki deiwa pynchlur ya ki khynroo khyllood wow bood ki ya ka nongmuna ki neibhah ki wan ki na iwa khian wei da ye ki wow tei ya idæ yow man kam kiwa yahkhmat.
Kam wow pynkynmoo wa ka sorkar ini wadep da mynjur ko ya ka Meghalaya Private Medical Institution (regulation of admission, fixation of fees and reservation) Ordinance, 2024 yow ye u pynkrehkaam noh ya kani ka Medical College deiwa yooluti u sdang pyn ha u snem wow wan.
Discussion about this post