Ka Pdengkarong Government LP School wa haap hapoh ka Amlarem C&RD Block, ka 30 tarik u Naikhynde da man ka sngi wow sah kynmoo ya ka skur wa ka chnong hi waroh kawi neibhah wa da yoh ki ka yung skur thymme paki dulan kawa dang dep chna 7 kamra hei lut wa Rs. 44,97,448 lyngba ka Mission Education Phase II.
Ya kani ka skur da wan wow wai paidbah leh da u MLA ka thaaiñ hi, u Lahkmen Rymbui uwa man leh u Chief Adviser ka sorkar jylla ha ka yalang wa pynlai da u Kolmen Pohshna, Waheh Chnong Pdengkarong, chirup i emlang u Block Development Officer (BDO) ka Amlarem, u G. Mylliem, u SDSEO Amlarem, u C. Lamin, u MDC warim, u Lamdibok Sumer, u Head Teacher kani ka skur u Silverstar Sumer wa kiwi.
U Lahkmen Rymbui hawa klam pynsñiaw u i kyrmen skem wa lyngba i wai ya kani ka yung skur thymme, ka puræ puthi leh daw nang ku nangroi ko wei ki khynnah skur leh u yoh ki yei sikai wa biang.
Napyrdi ki 39 tylli ki skur wa da chna thymme hapoh ka Amlarem Constituency, u Lahkmen ong u wa dang boon kiwi leh ki skur wa emkaam u pynbha pynmiat kam chibynta u kyntu kynrong ya ki skur, wei hajrong ini emkaam i ya krehlang chirup chirup wa ki chnat sorkar.
Heiyatoh wa ki khynnah skur kyntu u ya ki wow chim ki iwa bha tam hei im yong ki, najrong wow kiar leh nei sih wa boonjait khamtam ki jait dih pynmuaid.
Wei ha kam kini ki sngi wa duna i khih sorkar pynrap u wa i stat i tip wa i sap i phong wai laad ko yei thij i pyrkhat kammon u yieñ hei yong i hi i kjat.
Discussion about this post