U Montri Rangbah ka jylla, u Conrad K Sangma ynnin i janmiet da wai u ya ka thaw pooid bru namo ka Operation Theatre Complex wa em ha Sohra Community Health Centre, Saitsohpen wei da booh u leh ya u mooyurim ka Sohra Market Phase-II deiwa emlang u Minister ka Health & Family Welfare, u Wailadmiki Shylla, u MLA ka Shella, u Balajied Kupar Synrem wa u MLA ka Sohra, u Gavin M Mylliem chirup wa kiwi de.
U Conrad hawa e yei klam da ong u wa i kylla dur ka Sohra CHC toh kawa e mynsien bha deiwa pyrkhat neiwa man ko nachwa hadooh wa man ko katni wei pynyoo ko leh iyi wa ye u leh deiwa kreh chitom. Wei kattu ym hap de kiwa na Sohra wow lai cha Shillong yow phah sumaar yow lait u sepai i por kamjooh ka poisa.
Da klam u leh yei ye wow pynduna yei yap ki khonboo kamjooh ka bei heipor wa kha deiwa leh kam kini ki kaam wa khian ha ki thaw wa emkaam.
Heiyatoh wa ka Sohra Market Phase-II da ong u wa kani ka thaaiñ kam kawi na kiwa pawnaam dooh hapoh ka jylla da emkaam leh ya ki khynroo khyllood wow yoh ki ka thaw wow seiñ khih wow khayi pateiñ ki, kamtæ da pynchlur u ya ki wow chim kabu yeini.
Da pyntip u wa u sarok uwa nadooh Umtyngar cha Mawsmai leh da yaklam wa ka World Bank neibhah wa daw yarap bha u heiyatoh wa ki kaam uiñke suwari.
Discussion about this post