ka Supercare Hospital, Shillong da yoh ko yei tipmit na ka National Accreditation Board for Hospitals and Healthcare Providers (NABH). Ka NABH toh ka dhab yong ka Quality Council of India (QCI) kawa da booh yow pait wei wow e yei tipmit ya ki thaw sumaar. Ka NABH man ko leh ka dkhot yong ka International Society for Quality in Health Care (ISQua). Wei ki Hospital wa yoh yei tipmit na ka NABH da yoh ki yei tipmit ha kylleiñ ka pyrthai.
Ki kyrdan wa da booh da ka NABH toh yow pait yei biang i rukom krehkaam ki Hospital ha India kiwa em artylli ki kyrdan rukom pait ya ki Hospital Allopathic: kawi toh ka Full NABH kawa man neibynta ki Hospital wa e sumaar wa kyrpang lane Speciality wa ki Hospital wa sumaar rap kyrpang chooh chooh namo ki Tertiary Care wa kiwi wa ka wi won toh ka Entry-Level NABH, kawa pait ya ki Hospital wa rap khian ki wym haap hapoh ka kyrdan Full NABH.
Ka Supercare Hospital da yoh ko yei tipmit na ka NABH Entry-Level ha ka 5 tarik u Naichiphaw 2021, wei da yoh ko yei tipmit wa pura namo ka Full NABH ha ka 29 tarik u Naikhynde 2022. Wei ini i tipmit u krehkaam ko hadooh ka 30 tarik u Naikhynde, 2026.
Ka Supercare Hospital toh kawa nyngkong wei dang du ka ka Meghalaya wa yoh yei tipmit Full NABH.
Uwa seiñ wa kamjooh u Managing Director, u Dr. R.S. Thangkhiew da ngait u wa i yoh yei tipmit na ka NABH da pynkhlan ko yei chynna jngai yong ka Supercare Hospital wow booh yei rukom krehkaam wa bha hei e sumaar wa i pynchait pynkhiah.
