Ka National Accreditation Board for Hospitals and Healthcare Providers (NABH) da wan pait wei bichaar ko ya ka Supercare Hospital, Shillong wei da chem ko wa da bood ko ya ki kyndon ka NABH hei lehbha ya ki kaam Nursing namo ka Standards for Nursing Excellence.
Ka NABH toh kawa pait wei bichaar yei kreh wa i ruom chakri ki Hospital ha India wei man ko leh kam chibynta ka Quality Council of India (QCI) iwa mut pait ko nadooh i chakri ki Nurse wei wow pyntikna wa de yei sumaar wa paka tam.
Ki kyndon ka NABH toh kiwa da pynchong yurim ha ki rukom sumaar wa bha tam katam ka kyrdan wa da bood ha kylleiñ ka pyrthai yow pynchait ya kiwa kjut wa chitom deiwa chngaaiñ wei e mynsien.
Ki kyndon wa da booh ka NABH wa hap pynhun man ki leh kiwa eh bha wei ka Hospital wa yoh yei tipmit kam ka thaw sumaar mut wa da yoh leh yei tipmit ha kylleiñ ka pyrthai.
Heiyatoh wa ki Nurse, ka NABH da booh kyndon ko deiwa pait yei chongdor i chakri ki Nurse wa em ha ka thaw sumaar kamjooh i pliah ki wow leh ya 7 tylli ki kaam nadooh kammon da e sumaar, kammon wanrah ki yei chngaaiñ, i kreh wa paka wei kiwa tip wow burom ya kiwi kjut wa chitom yow man i por wa em ki hapoh ka thaw sumaar iwa e mynsien ya ki. Da pait leh yei rukom pynlai wei pliah wei ryntih ki bor wa pynlai wei kiwa pait ya ki Nurse kamjooh yei kyrchaan wa da e ki cha ki Nurse yow ye ki wow leh yei kreh ki da ka kyrdan wa bha tam.
Hadien wa da dep pait bniah wei da ye wow pynhun ya 48 tylli ki kyndon wa kynthup ya ki 216 tylli ki thong, ya ka Supercare Hospital da yoh ko ya ka Nursing Excellence Certification ha ka 13-06-23 ka wow krehkaam hadooh ka 12-06-25.
Da ini, ka Supercare Hospital da poi ko cha u moomær wow man kam ka thaw sumaar wa nyngkong dooh hapoh ka thaaiñ North East India wow yoh ya kani ka NABH Certification for Nursing Excellence.
Ka Supercare Hospital man ko leh du ka ka Hospital ha North East kawa da yoh yei tipmit kam ka NABH Accreditation for Hospital, NABH Certification for Emergency wei katni sa ka NABH Nursing Excellence.
Discussion about this post