Yoh ka thaaiñ Amlarem ya ka Pollution Testing Centre wa thymme

Ka thaaiñ Amlarem da yoh ko ya ka thaw leh Pollution Test ki kari kawa em ha Amsarim kawa tip kam ka HWR Pollution Testing Centre kawa mantre da u H.W. Rymbuii wei da wai paidbah ka deiwa emlang u Waheh Chnong ka Amsarim, u Redeem Pohtam chirup wa kiwi de.

Kani ka thaw leh Test toh kawa da tipmit da ka sorkar wei da pynkrehkaam ka leh katkam ki kyndon wa da booh ka Pollution Board yow pyntikna wa ki kari toh ki wym pynjakhlia ya ka la’ær.

Ha kani ka HWR Pollution Testing Centre ye wow Test waroh ki jait kari nadooh ki ar chaka, ki le chaka, ki soo chaka kamjooh ki kari wa heh wa khia wot ki kari kiwa da rim leh kiwa dang krehkaam katkam ki kyndon.

I dor bai Test man ko katkam wa da booh ka sorkar wei daw yoh leh ya ka Pollution Under Control Certificate (PUC) kawa man ka Certificate kawa hap u em waroh ki kari katni kamwa emkaam u em Insurance wa kiwi de ki kot ki sla.

Related posts

Dawa u Nujorki wow wanrah ya kawi ka College ha Jaiñtia Hills na kiwa dang dep pynbna ka sorkar

February 25, 2026

Ym hun ka VPP ya ka Report ka Expert Committee | Kwah ko wow yasyllok biang wa ka sorkar

February 25, 2026

Ki kari wym biang hadien wa dep wow leh ya ka Pollution Test hap ki wow lai phah pynchna wei wow wan yow leh biang ya ka Test hadooh wa man ki katkam ki kyndon wa da booh heiyatoh wa i tdem wa mih na ki.

Ya ki Pollution Certificate wa da e ye leh wow chem ki lyngba ka Vaahan App yow suk manda emkaam u pynyoo ki.

Neiliang u waheh chnong ka Amsarim da pdiang sñiawbha u yei em kani ka Pollution Testing Centre neibhah wa man ko kawa emkaam ha kani ka thaaiñ wow pyrkhat ya ka ramaw kamjooh i chngaaiñ hawa lai wa wan.