Kam chibynta wow pynneh pynsah ya ki khloo ki kjam kamjooh yow pynyoh yei chait i khiah ki kynthai, neiliang ki bor District ka East Jaiñtia Hills da saam ki 500 tylli ki Smokeless Stove namo ki Stove wym mih tdem ha Tuberkmai Shnong.
Kini ki Stove toh kiwa da thied da ki bor District lyngba ka District Mineral Fund deilang waka dorbar chnong.
Da antaad wa kini ki Stove daw pynduna ki yei lutphut da kamwa T. 8000 hadooh T. 10,000 chi snem deiwa pynemkaam da kini ki Stove wei daw lait u ah kamwa 7500 tylli ki dieñ chi snem.
Kini ki Stove toh kiwa duna 90% i mih tdem ki wei daw yada ki leh yei chait i khiah ki kynthai wa kamjooh leh ki khynnah kiwa da hap wow chah yei tdem hapoh yung hapoh sem.
Neiliang u DC da pyntip u wa da dep chwa wow kylli kiwon ki chnong wa kwah ya kini wei ka Tuberkmai Shnong toh kawa nyngkong ka chnong wa paan ya kini, kamtæ da e khublei u ya ka dorbar chnong kawa da chim ya kani ka rai wow yada ym du yei chait i khiah ki kynthai wa ki khynnah tangwa ya ka rymaw waroh kawi.
