Ka President ka India, ka Droupadi Murmu da saam ko ya ka khusnaam National Florence Nightingale Awards yong snem 2021 cha kiwa kreh kam ki Nurse ynne ha Rashtrapati Bhavan, Delhi.
Ka National Florence Nightingale Awards toh kawa da sdang nadooh u snem 1973 da ka Ministry of Health and Family Welfare, ka sorkar India yow tipmit yei kaam wa bha ki Nurse hei chakri ya ka imlang sahlang.
Ha uni u snem da pynkup burom ya 51 ngut ki Nurse wa kynthup lang ya ki ANM, heiwa ka Nurse ka Meghalaya, ka Victorealness Syiemlieh da man ko kam kawi na kiwa yoh ya kani ka National Florence Nightingale Award.
Ka Vitorealness da tipmit ya ka yei kreh chitom ko hei e dawai Polio wei yei kaam ko heipor ka khlaam COVID-19 hapoh ki COVID Ward.
Da man ko leh du ka samen napoh ka jylla wa yoh ya kani ka khusnaam.
