Ka yung krehkaam ka District Rural Development Agency (DRDA), West Jaiñtia Hills District, ynne ka sngi da yoh ko wow wai ya kawi ka yung wa da chna lyngba ka Scheme PMAY-G ha ka chnong Moosakhia kawa em hapoh ka Amlarem C&R.D. Block wei da e kti ya ini i yung cha ka Solbi Suting kawa na chnong Moosakhia hi.
Ya kani ka yalang da pynlai da u G. Mylliem, Block Development Officer, Amlarem C&RD Block uwa da pdiang sñiawbha ya waroh kiwa ya emlang ha kani ka yalang wei da yoh leh yei duwai na u Lewis Bareh, Rangbah Balang yong ka Balang U Blei ka chnong Moosakhia.
Da yoh leh yei klam na u waheh chnong ka Moosakhia, u Deimon Suting wa na u F.B.Basan, Additional Deputy Commissioner wei uwa man leh u Project Director ka DRDA, West Jaiñtia Hills, na u Fr. Manbha Pakem wa na u kongsan yong kani ka yalang, u B.S.Sohliya, Deputy Commissioner ka West Jaiñtia Hills District.
U kongsan hawa e yei klam da e khublei u ya ki bru ka DRDA waka Block Development Office Amlarem waroh kawi kiwa da kreh chitom wow pyndep ya kani ka yung kawa em san kamra.
Da ong u leh wa ha kini ki sngi da yoo yei ya choon ya kulmar wei ya kynaad ha waroh soodong sookun, tangwa katni heini da da yoo yei kyrmen wei ya tiplang para bru heiwa lyngba i yatylli lang yong ki bru sorkar, kiwa chong chnong wa ki VO, ki Self Help Group (SHG) yong ka chnong Moosakhia da ye wow pynman ya kani ka yung, kamtæ da kyntu ya waroh wow pteiñ ya kini ki kaam wa bha.
Da yoh leh yei klam na kawa yoh myntoi na kani ka Scheme PMAY-G kawa da pynsñiaw yei sñiawngooh hadooh kattæ kattæ ya ka sorkar wa waroh kiwa ya embynta wow e ha ka ya kani ka yung kawa da man sakhiat i e sñiawbha yong Christmas yaka manyung yong ka.
Da yoh leh yei puræ ya ka Poetry neiliang ka VO (Village Organisation) yong ka chnong Moosakhia, i rwai na u Kamwakwah Muksor wa na kiwa kreh ka DRDA.
Ya ki kyntien e khublei da yoh naka Sammaia Lato, ITP PMAY-G.
Discussion about this post