Shillong: Ki pulit ka nongbah Shillong ynne i janmiet da yoh biang ki u kem ya u David Lyngdoh Marshillong, uwa da bna naam bha kam u Bah Jyllud. Ki pulit da yoh kem biang ki ya u Bah Jyllud na Laitumkhrah hadien kamwa 24 kynta wa lait phet u na kti ki pulit ka Nongpoh, Ri-Bhoi District.
Hawa pyntikna yeini, neiliang u Superintendent of Police (Crime), u Vivek Syiem da khana u wa ya u Bah Jyllud da yoo da uwi u pulit langrut ka Sadar Police Station wei uni u pulit da booddien wei da pyntip u cha thanat wei manda poi ha Laitumkhrah da kem noh ya oo.
U Syiem da pyntip u wa u Bah Jyllud da lai luti u khlem pyrwa wei da leh u kam ki bru paidbah deiwa chong ha ka kari kamai tangwa nei sian uni u pulit langrut da yoh kem biang ya oo.
Katkam i ong u SP, ya u Bah Jyllud da kem heipor 8:00 waje janmiet, wei da em case u leh ha Madanrting PS heiwa ki pulit daw e bichaar biang ki oo wei hadien ini daw ekti biang ya oo cha ki pulit ka Nongpoh.
Discussion about this post