Yoh kem drug ki pulit na ki le thaw

Ki pulit da pyntip ki wa hadien wa yoh yutip ki wa tikna, ki pulit ka ANTF deiwa emlang ki Proby. Sub-Inspectors da lai ki cheiliang Lumshnong, wei deilang wa ki pulit ka Lumshnong PS da pynsangeh ki ya kawi ka kari kamai Tourist Tata Sumo wei da chem ki 3.73 grams i Heroin na ki arngut wa em hapoh kari kiwa na Jowai.

Ini da jia i haka 15 tarik uni u bnai.

Haka 10 tarik won heipor 8:20 i miet, ki pulit hadien wa yoh yutip ki, da kem ki ya u Khir Bahadur Tamang wei na oo da yoh ya ki soo tylli ki tadong sabon kiwa em drug Heroin wa khia 43.34 grams.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Haka 12 tarik won, u Prem Singh ka E-Coy, 30 Bn BSF da ujor wa ki chipai ka BSF deilang wa ki pulit da kem ki ya kawi ka Maruti Alto Tourist heipor wa lai ko na Shillong cha Dawki ha u sarok NH-40 hajan Pomshutia kawa haap hapoh ka Pynursla PS (EKH).

Hawa khynra ya kani ka kari, ki pulit da chem ki ya 30 tylli ki yusong Plastic wa em ya i drug WY Tablets wa khia 0.622 kg wa 10.83 grams i Heroin.