Ki chipai ka 43 Assam Rifles wa ki pulit ka Moreh Police wa kyntup yaki chipai kynthai ka Assam Rifles da yoh kem ki ya i drug wa chongdor T. 3.30 klur na i yung wa em ha Phaicham Veng, Moreh ynne ka sngi. Da yoh leh wow kem ya ka wi ka kynthai kawa tip pyrtuid kam ka Sangi Sailo (35 snem) kawa na Moreh Ward No. 3 Phaicham Veng.
Katkam ka kyrwoh, da lai khynra ya i yung wa em ha Phaicham Veng heipor 10 waje i step hadien wa yoh yutip wa tikna heiwa ki pulit kynthai da kem ki yaka tre yung ka Sangi Sailo heiwa da chem ya 97 tylli ki tadong sabon wem em i Brown Sugar iwa khia 1.164 Kg kiwa da booh hapoh ka Blanket hapoh ka wi ka synduk.
Ini i drug da antaad toh iwa chongdor T. 2.32 klur.
Hawa thooh chooh chooh ya ini i yung, da chem ya 100 tylli ki yusong wa em ki dawai Amphetamine Tablets kiwa em 20,000 tylli kiwa tip leh kam ki WY Tablet kiwa da murieh hapoh ka wi ka Almari kiwa da antaad wa chongdor T. 1 klur.
Yaka Sangi Sailo da rah cha Moreh Police Station neidaw wa em ko ya kini ki mar yow leh ya iwa emkaam.
