Haka 14 tarik uni u bnai, ki pulit ka Manipur naka Tengnoupal District deilang waka chnat NAB, Forest wa NCB wa yahkhmat da u Th. Vikramjit, SP Tengnoupal wa u W. Basu, SP NAB deiwa yarap u Addl. SP Tpl, Addl. SP (Ops) Moreh, OC TPL, OC Machi deiwa sakhi ki Magistrate- DO Machi wa SDC HQ Tpl, da tympra ki ya 108 Acre i thaw thung ya u Poppy wa da rep pyrchah yaka aiñ ha ki le tylli ki thaw, kitæ ha Machi Hill Range, ha Sijang Hill Range wa ha Nungtak Hill Range, waroh kiwa haap hapoh ka Machi PS ka Tengnoupal District.
Haka 16 tarik won heipor 12:30 i sngi, u CDO ka Thoubal da kem u ya uwi u bru wa tip kam u Md. Rashid Ali (32 snem) u khon u Md. Kheiruddin na Moijing Awang Leikai deilang waka kari Alto wa em ya u number MN-O5J-0079 kawa ym biang ki kot ki sla wei kani ka kari da suba wa da pynemkaam yaka wow khayi drug.
U Rashid da phla u wa u payu u u Md. Abbas Ahamad uwa tip leh kam u Masatana (35 snem) deilang wa u Md. Imran (28 snem) wa u Md. Firoj Khan (39 snem) da emkti ki wow tooh kari, i chna drug Heroin Brown Sugar, u kit ya ki mar chna drug wa kiwa pynbiang poisa yow leh ya kini ki kaam pyrchah aiñ.
Da chem leh yaki tiar ki tar wa pynemkaam wow chna Brown Sugar kiwa da murieh u Md. Abbas Ahamad wa ki bru yong oo hajan Arapti Komla Ingkhol kawa haap hapoh Lilong PS wei da yoh kem leh ya u Md. Firoz Khan.
U Md. Abbas Ahamad wa u Md. Imran dang yut ki yaki pulit. Yaka Case da booh waka Thoubal PS.
Ha iwi tawon i jia, ka 43 Assam Rifles hapoh ka 26 Sector da yoh kem ki ya i drug Brown Sugar wa khia 4.290 Kg wa chongdor T. 8.58 Klur wa kawi ka Scooter wei da e kti ya ini cha PS Moreh yow pynman yaka takit.
Discussion about this post