Ynnin ka sngi heipor 3 waje i sngi hadien wa ki pulit ka East Khasi Hills da yoh yutip ki da iwa tikna wa em uwa dai drugs uwa tip kam u Ganesh Mahato (29 snem) wa daw lai dai drugs u. Kamtæ ki pulit ka ANTF waka Sadar PS da yoh ki wow kem ya oo na GS Road.
Hawa poi u IO wa ki waki pulit ka Sadar PS deiwa emlang kiwa sakhi da chem na uni u bru ya iwi i tadong sabon wa em i lakhit wa rong stem wei rong umsoh wei hadien wa da leh ya i Test da chem toh i Heroin iwa khia 10.91gm.
Ha kawi won ka khubor, u Deputy Commissioner (Excise), East Khasi Hills District da pyntip u hei pteiñ yei kem ya i kiad wa dai pyrchah yaka aiñ kiwa kynreh na ki Restaurant wa ki dukan ha Shillong wa ki thaw wa em chajan ha u Naichiphaw, 2020. Da em 38 sien i kem kiad iwa da poi 270.380 liter i kiad lieh wa 221.240 liter i kiad pharæng. Da kem leh heiyatoh wa kini ki kaam 26 ngut ki bru hapoh ka aiñ Excise Act wei ka takit dang lai ko chakhmat.
