Yoh kem Heroin wa u bhang wa palat 111 Kg na East Jaiñtia Hills

Ynne heipor kamwa 11:00 waje i step hadien wa da tip tikna ki pulit wa da em kiwa khayi drugs na Silchar, Assam ki wow lai cheiliang Shillong, kamtæ da pynman ya i kynreh kari hapoh u pood ka Lumshnong Police Station wei heipor kamwa 1:20 i sngi da ksoh ya kawi ka kari kamai (Sumo) wei da takit ki na uwa yah ka hadien wa chem ya 6 tylli ki khieh sabon wa em i lakhit rong umsoh.

Ya uni u bru da tip kam u Gabriel Elvin Thabah (33 snem), uwa sah ha Bishop Falls wa em hajan Seiñ Raij School, Lower Mawprem, Shillong.

Hadien wa da leh yeiwa emkaam deiwa Test ya ini i lakhit wei da pyntikna wa toh i Heroin wa khia 67.36 Gram da kem noh ya u Gabriel.

Heiyatoh wa ini da Register ya ka Case ha Lumshnong PS Case No. 23(5)2023 wei da pynngat ya oo hapoh ka kyndon 21(b)/29 ka aiñ NDPS Act.

Related posts

Chem drugs ki pulit napoh ka kari wa chah ieh ha Jowai Bypass

May 7, 2025

Yoh kem drugs ki pulit ka East Jaiñtia na kawi ka kynthai

May 5, 2025

Ynne hi ka sngi heipor kamwa 1:00 waje, kawi ka kari wa em Number AS-01-AY-6969 wa wan na Silchar, Assam kawa lai cheiliang Khliehriat, hawa yoo ya ki pulit wa kynreh kari ki ha Damcherra, Umkiang, NH-06, uwa yah ya kani ka kari da ieh u ya ka kari wei da yut u na ini i thaw chirup wa uwi tawon.

Hawa kynreh ya ka kari da chem wa kit ko hadooh 111.18 Kg u bhang uwa da kynset ha ki thaw wa da chna kyrpang ha ka kari wei da Register ya ka Case hapoh ka aiñ NDPS Act da ka Lumshnong PS Case No. 24(5)2023 u/s 20(b)(1)(c)/29 NDPS Act.

Ha waroh kini ki ar tylli ki kaam pyrchah aiñ dang pynman ya ka takit yow chemdien ya kiwa emkti.