Ki chipai ka Assam Rifles deiwa ya krehlang wa ki Nagaland Police da yoh ki wow kem ya arngut ki dkhot ka NSCN (IM) na chnong Wokha haka 21 tarik uni u bnai heiwa da yoh na kini ya le tylli ki pt 22 Pistol heiwa kawi toh kawa chna ha Germany.
Haka 22 tarik won, ka Assam Rifles deilang biang wa ki pulit ka Nagaland da yoh ki wow kem ya uwi u bru deilang wa ki tiar yasiat kiwa man pyrchah yaka aiñ na Kedime Colony, Jalukie heiwa na uni da yoh ya kawi ka 303 Rifle, kawi ka 7.65 mm Pistol, ki kuli wa 4 ft u Safety Fuse.
Ha kawi won ka khubor, ka Assam Rifles da pyntip ki wa ki chipai yong ka kiwa em hapoh ka IGAR (North) ha kini ki ar snem deiwa e sikai, e yarap ki yaki khynroo ka thaaiñ, da em 38 ngut wa kynthup ya 9 ngut ki kynthai kiwa da yoh u psiah hapoh ki Central Armed Police Forces lyngba ka Staff Selection Commission.
