Jowai: Ka seiñ Hynniewtrep Youth Council, West Jaiñtia Hills District hadien wa yoh yutip ko wa em wa chalan tooh ya ki mar cha Jowai, da bood dien ko boon sien, tangwa ym chem dien ko yei wa sakhiat hadooh ynne ka sngi heiwa da yoh ko ya ka yutip wa tikna wei da hiar ko ha kawi ka dukan Hardware ha Mooralong Ladthalaboh Jowai, kawa tip kaam ka A. Hardware wa dai ya ki yit, ki khyndaw bilat wa kiwi kiwi ki mar.
Da chem na jan kani ka dukan ya ka wi ka truck wa em ya u Registration Number -RJ-23-GA-5459 wa dang pynhaap ko ya ki mar wa kit be-aiñ ha katai ka dukan khlem em ki kot ki sla wa biang.
Ha i tai i por da chem wa kit ko 13 song ki yit 4mm deilang wa ki pipe wa ki plywood kiwa da pynhiar ha ka tai ka dukan.
U President ka HYC u Damanleki Lathong deilang wa kiwa thoh khubor da phah sai ki ya ki kot ki sla hei yatoh wa ki mar wa kit ki wei neilaing ki wa yah truck ym em u ye ki u pynsakhiat ya iwa kit ki.
Kamtæ neiliang ka seiñ da pyntip ki cha ki wa kreh ka Sale Tax Jowai wei hadien kattu katni por da wan u Inspector ka Tax u M. Phanbuh u wa wan wow pynsakhiat wa i rukom kit ya ki mar toh iwa ym biang kot biang sla.
Neiliang yong oo da phah u leh ya ki tre dukan yow wan mih ki cha ka Office yong oo hei yatoh weini wa leh ki.
Ini i poi ki mar be-aiñ ha Jowai da pynlyngngoh ki ya waroh heiwa kammon poi ki mar na Byrnihat heiwa khlem biang ki kot ki sla.
Discussion about this post