Ka KSU Eastern Border Area Circle ha i miet ka 19 tarik heipor 11:30 da yoh ko wow kem ya ki 20 ngut ki baar jylla ha u sarok Umroi Bypass ha ki thaaiñ Bhoirymbong.
Ka seiñ da ong ko wa katwa ka jylla waroh kawi da chah pynrkhiñ ko wei kiwa boon da chah kset ki neidaw ka khlam COVID-19 heiwa ki aiñ yong ka sorkar jylla da kdoh da khoom ya ki tre chnong hadooh wa kiwa dooh wa duk kiwa kamai jakpoh da chah daiñ kuna ki lada pynkheiñ ya ki adong adit ka sorkar jylla tangwa iwa da yoo kulmar hawa ki tre chnong wot wow lai na kawi ka District cha kawi ym chah tangwa ki dkhot ka KSU da yoh ki wow ksoh man-i-por ya ki baar jylla ki wym tieñ de ya ki aiñ ka sorkar.
Ka KSU da pynsñiaw ko yei sñiawdiaw wa ha kam ini i por wa wan tooid ki baar jylla iwa man leh iwi na ki laad wow pynpoor ya ka khlam COVID-19 ha ka jylla yong i wei ka aiñ noh chilliang palat ko neibhah wa chah ngat toh du ki tre jylla ym toh ya kiwa na baar.
Ka seiñ da ong ko wa ym chong klitkti ko wei u pteiñ ko wow pynrkhiñ ya ki baar jylla la toh ha iwon iwon i dur deiwa chim ya ka luti wa khor.
Kini ki baar jylla toh kiwa wan da ka truck katkam wa pyntip ka seiñ wei i pyrtuid ki man i kamni ha wah:
- Ka Moida Khatun 25 snem
- U Alser Ali 24 snem
- Ka Khatiza Khatun ka khon u Alser Ali
- U Ali Hussain 23 snem
- U Abdul Hussain 18 snem
- U Azad Ali
- U Sahidul Islam 18 snem
- U Hassan Ali 19 snem
- U Dilal Hussain 18 snem
- U Rofikul Islam 18 snem
- U Jerul Hoque 27 snem
- Ka Aisha Khatun
- U Yakup Ali 19 snem
- U Ajmud Ali 19 snem
- U Md Mojibur Rahman 40 snem
- U Ajma Khatun 40 snem
- Ka Hajara Khatun 25 snem
- Ka Hasima Khatun 19 snem
- Ka Esmina Khatun 18 snem
- U Hasmud Ali
Kitai waroh toh kiwa wan na Darrang District yong ka jylla Assam dei thmu wow wan mylla chapoh ka jylla.
Ka kyrwon na u Banjop Maring, President Eastern Border Area Circle.
