Ki dkhot ka KSU Laban Circle ynnin ka 16 tarik heipor 10 waje i miet da yoh ki wow kem ya ki 11 ngut ki baar jylla kiwa wan na kiwa boon ki thaw hajan Rhino Point ki wym em ya ki kot ki sla kiwa biang. Kitai ki bru da yoh ki wow psiah cha Meghalaya da ka Night Super khlem da bood ya ki kyndon COVID-19 wei da yoh ki wow psiah suk chapoh ka jylla khlem i wit.
Ka seiñ da ong ko leh wa da pynkrehkaam da ka Night Curfew nadooh 10 waje i miet heiwa ki tre chnong da bood ki ya ini tangwa ki baar jylla da yoh ki wow psiah suk khlem iwon iwon i pait bniah ha kam ini i por wa ka khlam da ku smat ko.
Heiyatoh wa ini, ka KSU Laban Circle da phah ko da ka ujor haka Laban Police Station pyrshah ya ki bor pynlai wei kamjooh ya u Contractor uwa khut kreh ya kitai ki baar jylla khlem da yoh bor wei khlem da Register hapoh Website ka Meghalaya.
Chooh chooh ka seiñ da ong ko wa ini i yoh laitlan ki baar jylla wow psiah u mih cha ka jylla Meghalaya da booh ko yei maa wa khroo hawa da ku smat kiwa yoh COVID-19 heiwa da pyntip wa kini da yoh ki wow psiah chapoh ka jylla du da i Phone Number u Contractor.
