Ka National Investigating Agency (NIA) ynnin ka sngi da kem ko ya u Abdul Momin Monda (32 snem) na Nazrana, PS Raninagar, District Mushidabad, West Bengal neidaw wa em yatoh u wa ka mukotduma (Case) ka Al-Qaeda ha jylla West Bngal wa Kerala ha ki bnai wa dadep.
Ya kani ka mukotduma da Register ha ka 11 Naikhynde 2020 kawa yatoh wa ki kaam wa man pyrchah ya ka ri wa da leh da ka kynhun wa em palat 10 ngut ki dkhot kiwa em yatoh, kiwa ya sooh buit wa ka Al-Qaeda wei kiwa thmu wow leh thma pyrchah ya ka ri ym du ha West Bengal, Delhi wa Kerala.
Hawa takit da chem wa u Abdul Momin Mondal kreh u kam uwa sikai ha Raipur Darur Huda Islamia Madrassa ha Murshidabad District, West Bengal. Da pyrchang u leh wow pynpsiah dkhot ya kiwi tawon ki bru, kamjooh leh wow pynmih poisa yow ye u leh yaki kaam Terrorist.
Hadooh ynne ka sngi da kem ya ki 11 ngut heiyatoh wa kani ka jooh ka Case wei ya u Abdul da wanrah ha District Court ka Mushidabad wei daw kit noh ya oo cha nongbah New Delhi wow leh yeiwa emkaam.
