Ka Ri-loom Jaintia Traders Association (RJTA) ka seiñ wa pait yei bha i miat kiwa khayi ha ki yaw ki haat, ynne ka 22 tarik da yoh ko wow kem ya uwi uwa tooh na Iaw Thymme, Jowai heipor wa dang tooh soh sapieñ u na iwi i thaw pynhiar soh kiwa dai.
Uni u wa tooh wa tip kam u R. Bareh hadien wa ka seiñ da yoh kem ko ya oo, da phla u ya ki kaam tooh kaam thok yong oo, wa chirup wa ki lok yong oo da jooh tooh ki man-i-por na ki yaw ki haat.
Na uni uwa tooh da yoh leh kawi ka Mobile wa tooh u. Heiyatoh wa ini, neiliang ka seiñ da ekti ko ya uni cha ki bor yong ka aiñ. Wei ka seiñ lyngba kani ka khubor maham ko ya kiwa jooh chim kabu wow tooh wow leh kaam sih ha ki yaw ki haat, wei lada ka seiñ chem ko daw leh ko deiwa rap eh ya kam kini ki jaitbru. Chooh chooh neiliang ka seiñ da pynkynmoo ko wa ha kini ki por wa da dep boon kiwa chah tooh na ki yaw ki haat, wei ka seiñ ym chong klikti ko daw kreh chitom chooh chooh ko yow yoh u kem ya kini kiwa tooh.
Ka seiñ hawa klam ynne wa ki bor yong ka aiñ, da ong ko wow pynchitom deiwa rap eh ya kini kiwa tooh kiwa wan tooh man-i-por na ki yaw ki haat.
Ka kyrwoh na u Rapmiki Pohti, Publicity Secretary, Ri-loom Jaintia Traders Association.
