Ki chipai ka 4th Bn BSF Meghalaya ha ka 5 tarik uni u bnai da yoh ki wow kem ya arngut ki nong Bangladesh ha khappood ka West Jaiñtia Hills waka Bangladesh hadien wa em wa pyntip wa daw psiah tooh ki chapoh India.
Kini da psiah ki khlem ki kot ki sla wa biang iwa da man leh pyrchah ya ka aiñ. Na kini da kem leh ya ki Mobile Phone kamjooh ka poisa wa rah deilang kiwi de ki kot yong ki.
Kiwa chah kem toh kiwa tip kam u Rahul Amin (37) wa u Md Abdul Kasim (36) kiwa da yoh wow kem na Dawki wei da e kti ya ki cha ki pulit ka Dawki Police Station yow leh ki yeiwa emkaam.
Ha ka jooh hi ka sngi, ki 193rd Bn BSF ha East Khasi Hills da yoh ki wow kem ya ki dawai biah khmat deilang wa ki that wa chongdor T. 8 lak kiwa da thmu wow chalan tooh cha Bangladesh.
