Yoh kem ki BSF ya ki kule wa ki masi wa thmu u chalan tooh cha Bangladesh

Ki chipai ka BSF Meghalaya da yoh ki wow kem chiboon ki mar wa khayi tooh nadooh ki that, ki riam wa ki masi ha kani ka tayaaw.

Ha ka 22 tarik uni u bnai, ki BSF ka 193 Bn da yoh ki wow kem ya ki that ki sula wa chongdor T. 7 lak na khappood ka Bangladesh waka South West Khasi Hills. Ha ka jooh ka sngi won ki BSF ka 4 Bn da yoh ki wow kem 845 tylli ki Saree wa chongdor T. 18 lak na khappood ka East Khasi Hills wa Bangladesh.

Ha ka 21 tarik deiwa ya krehlang wa ki pulit da yoh wow kem 84 churia i chini iwa da thmu wow khayi tooh cha Bangladesh na South West Khasi Hills. Ha ka jooh ka sngi da yoh wow kem ki that ki nep wa chongdor T. 10 lak kiwa da thmu wow chalan tooh cha Bangladesh lyngba ka East Khasi Hills.

Related posts

Chi rta phah kset ya uwa na India uwa pynyap pyn ya ka bei ha UK

September 14, 2025

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

Ha ka 20 tarik, ki BSF ka 172 Bn da yoh ki wow pynlait ya 9 tylli ki kule kiwa da kit hapoh kawi ka Truck kiwa da thmu wow chalan tooh cha Bangladesh lyngba ka East Jaiñtia Hills.

Ha ka 18 tarik won, ka 193 Bn ka BSF da yoh ki wow kem ya 37 tylli ki masi kiwa da thmu wow chalan tooh na East Khasi Hills cha Bangladesh.