Kawi ka kynthai wa 50 snem i rta kawa khayi drug kawa tip pyrtuid kam ka Th Paone, kawa khut siñ ‘Didi’, kawa na Senapati District, Manipur da yoh kem ya ka ha Karbi Anglong da ki pulit ka Assam ynne ka sngi. Na ka leh da yoh 2 kg i Heroin wa paka bha (Pure) wa chongdor T. 7 klur.
Da ngait leh wa ka man ko kawa emkti ha ki drugs wa poi cha Nagaon, Marigaon wa Guwahati.
Sa uwi u bru wa tip kam u Kevin Movi uwa na Dimapur, Nagaland da kemlang ya oo.
Katkam wa pyntip u Director-General ki pulit, u Bhaskar Jyoti Mahanta, da yoh wow pyntkut ya u kynjri khayi drugs deiwa kem ya kini ki arngut kiwa emkti leh ha ki kaam pynsier bru.
Ki pulit da yaleh ki wow ieñ ya ka Didi wa ki bru yong ka hadien wa yoh kem chwa ya 723 gram i Heroin ha Barpather, Golaghat District.
Katkam ka takit ki pulit da chem ka ‘Didi’ toh kawa na Dimapur kawa man kawa heh dooh kawa khayi Heroin. Tangwa ym pu tip kayi ka kani ka ‘Didi’ heiwa neiliang ki pulit da lai ki cha Dimapur yow thooh ka.
Kamtæ da pynbait wow thied drugs na ka wei hadien wa jrong bha i ya pynbait wa ka de ye wow pynmynjur ya ka wow dai ya i drugs heiwa da kem ya ka ynne ka sngi hawa wanrah ko ya ini i drugs ha Janakpukhuri iwa haap hapoh ka Khatkhati Police Station kiwa da em hapoh 164 tylli ki yusong i lakit Heroin wa paka bha iwa khia 2.125 kg. Heiwa ya ini i drug da wanrah hapoh ka kari.
Ki pulit ka Assam da pynjoor ki yei leh pyrchah ya ki kaam khayi drugs hadien wa u Chief Minister Himanta Biswa Sarma da hukum wow pynkhooid ya ka jylla na i drugs.
