Ki Anti-Narcotics Task Force yong ka East Jaiñtia Hills District Police hadien wa da tip tikna ki, da pynman ki yei kynreh kari ha Umkiang Police Patrol Post ha ka 25 tarik heiwa da yoh ki wow kem ya uwi u bru uwa na West Bengal uwa kit wa ki 11 tylli ki khieh sabon wa em Heroin hapoh. Hadien ini da yoh leh wow kem sa uwi u bru uwa na Shillong uwa emkti hei khayi yeini i drugs na kawi cha kawi ka jylla.
Ha ini wa jia, nyngkong da pyntip cha ki pulit ka East Jaiñtia Hills wa daw em u bru wa daw wan na Silchar, Assam yow lai cha Shillong deiwa kitlang wa i drugs, kamtæ da pynman yei pynsangeh kari wei hei miet ka 25 tarik da ksoh ya kawi ka kari wa lai luti u Hajrat Umar (28 snem), uwa na Kaliachak, District – Malda, West Bengal wei da chem na oo 137.86 gram i Heroin wa em hapoh 11 tylli ki khieh sabon iwa chongdor Rs. 60 lak.
Na uni u bru da chem leh ar tylli ki Mobile Phone wei hadien ini da yoh wow kem sa uwi uwa da bna naam bha uwa khayi drugs uwa tip kam u Phulchand Ali uwa sah ha Lum Survey Ajmera, Shillong uwa emkti wa ini drugs wa yoh kem.
Ya kini ki ar ngut da pynngat hapoh ka aiñ NDPS Act wei ka takit dang lai ko yow chemdien ya kiwi de kiwa emkti ha ini i kaam.
Discussion about this post