Jowai: U SP ka EJH da pyntip u wa ha i lai khynra drug ki pulit ha ki le sngi hapoh ka District, ki pulit ka ANTF East Jaintia Hills, Khliehriat Police Station waka Ladrymbai Out Post da yoh kem ki 45 gm i Heroin.
Haka 11 tarik uni u bnai da yoh kem ki pulit 4.23 gm i Heroin na kawi ka kari wa em ya u number ML-10A-4268 ha Moopala wei da kem ya soo ngut ki bru u Kyrshan Syrti, u Trusty Latam, u Ferdinand Pale wa u Chanmi Patwet.
Haka sngi wa bood ka 12 tarik, ki pulit da yoh ki wow kem ki 1.48 gm i Heroin na uwi u bru uwa tip kam u Sanjit Singha uwa lai luti da kawi ka kari kamai (Tourist taxi) wa em ya u number ML-04A-4819 ha Byndihati. Haka jooh ka sngi hei janmiet da yoh kem 34.29 gm i Heroin na ka kari wa em ya u number AS-24A-1861 ha Moopala wei da kem ya ar ngut ki bru wa tip pyrtuid kam u Sabul Uddin wa u Aftab Uddin.
Ynne ka 13 tarik hei step, ki pulit da yoh kem ki 4.15 gm i Heroin na iwi i yung wa em ha Ladrymbai Dongwah Pohktieh wei da kem yaka Chales Myrchiang.
Discussion about this post