Ki pulit ka Anti-Narcotics Task Force (ANTF), Meghalaya deilang ki pulit ka West Jaiñtia Hills District hadien wa da tip tikna yei wan kiwa khayi drugs, da pynman ki yei kynreh kari ynne i step heiwa da yoh ki wow kem ya uwi u snar khayi drugs wa tip kam u Milton Chakraborty (34 snem) uwa khut siñ kam u “Lucky” deilang wa uwa krehlang wa oo ha ini i kaam uwa tip kam u Kasimuddin (26 snem) wei na kini da yoh u kem 52.02 grams i Heroin.
Kini ki ar ngut da wan ki da kawi ka Bus Night Super ka MTC na Silchar yow lai cha Shillong wei da pynsangeh ya kani ka Bus wa em Number ML-03-0189 heipor kamwa 4:00 waje i step ha Mihmyntdu, Soomer.
Na u Kasimuddin uwa sah ha Punjabi Lane, Shillong (i chnong tre u na Assam) da chem ar tylli ki khieh sabon wa em Heroin hapoh heiwa iwi toh iwa murieh u ha kata wei iwi won hapoh paltun poh u.
Na u Lucky uwa sah ha Happy Valley, Shillong won da chem le tylli ki khieh sabon wa em Heroin wa da song ha ka Plastic rong yong kiwa da murieh u hapoh paltun poh u.
Ya kini ki ar ngut da kem deiwa sakhi ki bru paidbah wei da pynngat ki ha ki kyndon 21(b)/29 ka aiñ NDPS Act wei ka takit dang lai ko yow chem ya kiwi kiwa emkti ha ini i kaam.
Discussion about this post