Hadien wa chah tooh ar tylli ki thuk-thuk Yamaha R15 hei step ka 20 tarik uni u bnai na Sunny Hills wa 3rd Mile Upper Shillong. Neiliang ki pulit da booh ki yei thaw pynsangeh kari ha kiwa boon ki thaw.
Kamtæ ya ka thuk-thuk wa chah tooh na 3rd Mile da chem wa ieh ka ha Sangmein katwa kawi won da yoh wow ksoh ka ha thaw pynsangeh kari wa em ha Pynursla. Uwi na kini kiwa tooh da lait u wow yut heipor wa pynman yei pynsangeh kari katwa uwi won uwa tip kam u Nironton Tangsong (24 snem) uwa na Mawryngkang da yoh wow ksoh oo.
Hei booddien yeini da ka Special Cell EKH, da yoh wow kem ya soo ngut wa kynthup ya u Pius Talang(19 snem) uwa na Pyrdiwah, u Lovingstar Surong (18 snem) u Balajied Mawiong (19 snem) wa u Banpynskhem Mukhim (19 snem) kiwa waroh na Pynursla.
Kini ki bru toh kiwa da emkti wow tooh ya kiwa boon tylli ki thuk-thuk wei daw lai rah ki hakhmat ka yung bichaar mynstep ka sngi.
Discussion about this post