Ki pulit ANTF ka West Jaiñtia Hills ynnin i miet da yoh ki wow kem ya ar ngut ki bru wa dai drug ha chnong Jowai.
Kini kiwa chah kem toh u Chwamiki Lyngdoh (32 snem) wa u Exeuben Lavie Kympat (24 snem) kiwa chong wa sah ha Jowai wei da pynemkaam ki ya kawi ka Local Taxi kawa em Number ML-04A-6941.
Heipor kem ya kini ki ar ngut, da chem na ki 4.05 grm i Heroin, 237 tylli ki dawai kuli Nitrozepam wa 45 tylli ki thyrnia deilang waka poisa kawa Rs. 17090.
Hadien ini da lai cha i yung wa sah wai u Chwamiki Lyngdoh heiwa da chem sa 24.47 grm i Heroin.
Ya kini waroh ar ngut da kem ki pulit wei Register Case pyrchah ya ki.
Discussion about this post