Yoh kem ki pulit ya ki soo ngut wa suba dai drugs

Jowai: Katkam wa pyntip ki pulit da ong ki wa da yoh yutip ki wa ynne ka sngi da em kiwa dai drugs ha Jowai heiwa ki pulit ka Anti-Narcotics Task Force, WJH wa yahkhmat da ka DSP Re Neena Rabha wa u SI Arki Wahlang da kem ki ya ki arngut heipor 2:30 i sngi wa tip kam u Kynton Kynjing (26 snem) wa u Rimi-oo Shadap (27 snem) na Iawmusiang heiwa da chem 0.15gms i drug Heroin na u Rimi.

Hadien ini, kini ki arngut da yah ki ya ki pulit cha i yung u Phrangchwami Lakiang (24 snem) wa em ha Dulong wei da chem won sa 6.42 gram i Heroin, ya uwi u thyrnia wa 3 tylli ki tadong wa thylli.

Hadien wa yah won u Kynton Kynjing, ki pulit ka ANTF da kem won ki sa ya u Chandiam Bathuh (27 Snem) uwa na Sohrynkham, Lumlong heiwa na oo da yoh ya i drug Heroin na ki 3 tylli ki dabi Golden wa em 2.73 gram i Heroin, 6 tylli ki thyrnia wa le tylli ki kuli dawai Nitrozapam.

Related posts

10 snem phah kset ka yung bichaar ya u Gentlyness uwa slaitbor ya ka khynnah wa dang 7 snem

October 17, 2025

Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

October 15, 2025

Ya kini daw rah ha khmat u Special Judge NDPS,WJH yow kset patok ya ki 14 sngi.