Jowai: Ki pulit ka Jowai ynne i step da yoh kem ki ya ki 6 ngut deilang wa boon tylli ki Battery Cell kiwa da suba toh kiwa chah tooh wei da yoh kem ya ki na iwi i thaw wa em ha Mooralong, Jowai.
Ki pulit da poi ki cha ini i thaw wa pyllang tin jæd, nar jæd wa em hajan ka Rymbai Gas Agency Go down nadooh 5 waje i step wei nyngkong da yoh kem ya ki le ngut hapoh kawi ka kari Maruti Gypsy wei da em leh kiwa boon kiwa da yut, hadien wa kynreh ya kani ka thaw, da em ar ngut kiwa da pyrchang u yut wei da yoh ya uwi katwa uwi da lait u.
Na kani ka thaw da chem ya ki Battery wa da suba toh kiwa chah tooh napoh palong wa ki thaw sah wa em ha kani ka thaw.
Waroh da chem 107 tylli ki Battery Cell kiwa da sih, 19 tylli ki churia wa em ki Battery Cell Plate wei ka kari wa pynemkaam ki ka Maruti Gypsy kawa em number ML-04-3186 toh kawa ym ye de u puræ ya u Chassis wa Engine Number wa da chah tympleh ki.
Kiwa chah kem da tip pyrtuid kam u Kajim Uddin Ali, Raham Ali, Hastakar Ali, Md Mujanil Ali, Abduch Chalam wa u Sur Jamal.
Da mynsoo malu mala leh ar ngut ki pulit hei yaleh wow ksoh ya kini ki bru kiwa thmu wow yut katwa yoh laad.
Discussion about this post