Shillong : U Julius Dorphang, MLA ka Mawhati uwa da chah kynnoh wa slaitbor u ya ka wi ka khynnah wa dang 14 snem, arsien, chisien ha i Guesthouse wa em ha Shillong wa chisien won ha i Resort wa em ha Ri-Bhoi District da wiar u hadien wa mih pyrtuid u ha ki boon tylli ki FIR pyrchah ya oo.
Kamtæ ki pulit da sdang thooh ki ya oo ha Shillong wei kamjooh ha ki boon ki bynta ka Ri-Bhoi tangwa ym em chem ki oo.
Ki pulit da yoh yutip ki leh wa u Dorphang em u ha Assam wei ha kini ki sngi wa da dep da li thooh ki oo cha kiwa boon ki yung ki thaw wa tipmit ya oo tangwa ym em chem ki oo.
Heipor kamwa chitein synniaw, ki pulit da yoh ki u kem ya u Dorphang na Inter State Bus Terminal (ISBT) Garchuk, Guwahati wei da kit ya oo ynne ka sngi cha Sardar Police Station Shillong.
Ym em bha u che wa em u samen namo wa kiwi ki bru heipor wa kem ya oo. Neiliang u Wyrta daw pyntip biang cha phi kat dang yoh khubor hajrong ini.
Discussion about this post