Ki pulit ka Meghalaya da yoh ki wow kem sa uwi u bru uwa tip kam u Shilom James uwa man kam u bru wa e wai yei thaw sah ya ka Sonam Raghuvanshi ha Indore hadien wa liwan ko na Meghalaya.
Uni u bru toh uwa da murieh ya kawi ka muna ka Sonam wei da thang u ka leh heiwa da lai yah u ya ki pulit cha ini i thaw wa thang u ya kani ka muna hadien wa chah kem u.
Ya uni u bru da kem na Indore hi wei i thaw wa e wai u yow sah ka Sonam toh iwa em ha Dewas Naka, Indore. Kam wow kdaw heini wa heipor wa psiah nyngkong ki pulit ha kani ka thaw ym em chem ki iyi iyi leh wei hadien wa phla uni u bru wa da thang u ya kani ka muna da antaad ki pulit wa em ko boon ki tiar ki tar wa man kam ki sabut.
Da chem leh wa ya kani ka yung wai da e hei pyrtuid u Vishal Chauhan kam uwi na kiwa chah pynbaad wa emkti pynap ya u Raja Raguvanshi hei dor wa Rs. 17,000 chi bnai.
Ka Sonam da sah koo boon sngi ha ini i yung chwa wow yut ko heiwa da wan pyndem ko ha UP ha ka 8 tarik uni u bnai.
Ya u Shilom James da yoh wow kem hei miet ka 22 tarik hadien wa chemdien yei emkti u wow murieh ya kani ka muna heiwa lyngba ka CCTV da yoo yeiwa mih u na kani ka yung deiwa rah ya kani ka muna kawa da suba hapoh da em ka poisa hadooh Rs. 5 lak, i ksiar, ki sula hadooh kawi ka Country Made Pistol.
Discussion about this post