Yoh kem ki pulit ya uwa lai maham bru da kawi ka Pistol

Uwi u bru wa tip kam u Tarmal Mawthoh uwa chong chnong ka Umkhawai, Jirang wa em ha Ri-Bhoi District, da ujor u wa ha ka 18 tarik uni u bnai heipor kamwa 11:00 hadooh 12:00 waje i miet, uwi u bru wa tip kam u Melan Syngkli da wan u cha i yung u Santosh Marbaniang ha Umkhawai wei da maham u wow siat ya u Balwan Mawthoh deiwa sai da kawi ka Pistol wei da maham u leh wow siat ya u Santosh deilang wa ka bei kurim u, ka Twilen Mawthoh wei kani ka Pistol toh kawa da chna hi namo ka Country Made Pistol, wei da maham u leh wym toh u pyntip pulit ki hajrong ini.

Neiliang ki pulit da lai ki wut-wut wei da kem ki ya u Melan Syngkli wei da chem leh na oo ya kawi ka Pistol ka wym em License deilang wa 4 tylli ki kuli.

Related posts

5 snem phah kset ka yung bichaar ya uwa sikai skur uwa tba khlem akor ya u khynnah heipor wa lai Tuition

January 15, 2026

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Heiyatoh wa ini, neiliang ki pulit ka Patharkhmah Police Station da pynngat ki ya u Melan hapoh ka kyndon 333/351(3) ka BNS deilang ka kyndon 25(1A) (1AA)(1B)(a) ka Arms Act wei ka takit dang lai ko chakhmat.

U Melan Syngkli toh uwa 46 snem i rta, u khon u (L) Abias Syngkli uwa chong wa sah ha Umkhawai, Jirang, Ri-Bhoi District.