Yoh kem ki pulit ya uwa tooh wei dat ya ka men kawa 70 snem i rta

U SP ka East Khasi Hills da pyntip u wa ha ka 30-07-2023, da yoh ujor ha Sadar Police Station wa ha ka 29-07-2023 heipor 6:45 i miet da em uwi u bru wa da tymmoh yei dur da psiah yabor u ha iwi i yung wa sah ka Janaki Toi kawa 70 snem i rta kawa sah ha Umsohsun.

Uni u bru da choh da dat u ka kani ka men wei da tooh u ya ka sahkti ksiar, ka Debit Card waka Mobile Phone ko.

Hei takit ki pulit da chemdien wa uni u bru wa emkti toh u wa na Mawlai wei manda lai kynreh yei yung u ha ka 1 tarik uni u bnai wei deiwa takit ya oo, da phla u wa emkti u ha ini i kaam heiwa da khana u wa ya ka sahkti ksiar da dai u ka cha uwi u bru wa thoo ksiar ha Mairang.

Neiliang ki pulit da yoh ki wow chem biang ya kani ka sahkti ksiar wei ya uni u bru da kem wei da lai rah hakhmat ka yung Kachari.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026