Yoh kem ki pulit yaka kynthai wa chah riñ Video wa dai drugs ha rood sarok

Hadien wa poor iwi i Video wa em kawi ka kynthai wa dai drugs ha rood u sarok GS Road Shillong hajan ka Bimola Junction, neiliang ki pulit Anti-Narcotics Task Force (ANTF) ka East Khasi Hills da pynman ki yei takit wei da chemdien ki ya kani ka bru.

Kamtæ ynne da lai kynreh ya i Them Metor kawa tip leh kam ka Sweeper’s Lane wa em ha Iew Mawlong wei da kem ya kawi ka bru wa em 26 snem i rta.

Na i yung wa sah kani ka bru da chem ya 92 tylli ki tadong khian wa em i Herion wa khia 99.21 gms, 51 tylli won kiwa thylli wa 13 tylli ki khieh sabon wa da pynemkaam yow booh ya i Heroin kiwa da poi Rs. 80 lak.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Da kem leh ya kawi ka Mobile Phone wa kawi ka Aadhaar Card wei dang thooh ya kiwa pynpoi ya kini ki drugs cha ka.

Ya ka takit da pynman da ka Shillong Sadar PS wei da pynngat ya kani hapoh ka aiñ NDPS Act.