Ki chipai ka Assam Rifles deiwa ya krehlang waka chnat Excise & Narcotics Department ka Mizoram da yoh ki wow kem ya uwi wa dai bhang wa i dawai ky’oh wa 297 Litre kiwa chongdor waroh T.1,34,250 na Aizawl haka 16 tarik uni u bnai.
Haka jooh ka sngi na Champai District ka Mizoram, ki Assam Rifles da yoh ki wow kem ya u kwai wa khayi tooh wa chongdor T. 21 lak katwa na Churachanpur District, Manipur won da yoh wow kem ya u kwai wa chongdor T. 31 lak.
Ha Arunachal Pradesh won, ki Assam Rifles deilang wa ki pulit ka jylla, haka 14 tarik da yoh ki wow kem ya uwi u bru wakreh (Over Ground Worker) ka NSCN (IM) na chnong Changlang.
Haka jooh ka sngi ha Nagaland won da yoh ki Assam Rifles deilang waki pulit wow kem ya uwi u dkhot ka NSCN (U) najan ka chnong Samzuiram, Peren District wei na uni da yoh leh ya kawi ka 7.65 mm Pistol deilang wa ki kuli.
Ki chipai ka BN BSF hapoh ka Meghalaya Frontier won ha kini ki 2 sngi wa da dep da yoh ki wow kem ya 32 Ton u mator uwa da dep thaad na khappood wei da kem leh ya 2 ngut ki nong Bangladesh.
