Ka HYC War Jaiñtia Circle hapoh i yahkhmat u Assistance Secretary u Edediesuk Shylla ynne ka sngi hadien wa yoh yutip biang ki naki bru paidpah wa wan ku ki nong Bangladesh wa wan chong dai dakha ha yaw Dawki, kamtæ ka seiñ da lai hiar ki cha Dawki.
Tangwa mar ya poi ki dkhot ka seiñ hapoh yaw, kitai ki nong Bangladesh yut ki wei ka seiñ da yoh ko wow ksoh du ya kawi ka nong Bangladesh. Na kiwa yut da yoh kem yaki dakha yong ki wei da lai ekti cha ka chnat Police Station Dawki.
Hawa poi ha Police Station u Publicity Secretary ka seiñ u Riki Mukhim hadien wa da yaklam wa u OC, da pynsñiaw wa lada dang chem ya kiwon kiwon ki nong Bangladesh nadooh kiwa mylla sngi, kiwa dai dakha wa ki malik Bangladesh kiwa wan khayi pyrchah yaka aiñ khlem ki kot ki sla kiwa biang, ka seiñ daw lai ko katkam ki kyndon ka aiñ khnang yow pynchitom wei wow sneiñ ya kiwa tyngkheiñ aiñ.
Discussion about this post