U Chief Electoral Officer (CEO) ka Meghalaya, u BDR Tiwari da khana u wa ha i pynkhreh yaka Election MP Lok Sabha, da yoh wow kem hadooh Rs. 37.51 klur wei ini toh deiwa kheiñlang wa kynthup yaka poisa, ki drugs, i kiad wa kiwi kiwi.
Hawa klam wa ki laad pathai khubor ynne ka sngi, u CEO da khana u wa hachwa wow pynbna yaka Model Code of Conduct da yoh khyrrup hadooh Rs. 33.45 klur wei hadien wa krehkaam ka Model Code of Conduct da yoh wow kem hadooh Rs. 4.06 klur.
Du ha ka 2 tarik uni u bnai da yoh wow kem ka poisa kawa Rs. 5.4626 lak, i kiad 3,920.92 litre kiwa chongdor Rs. 5.37486 lak katwa ki tiar ki tar wa em 2778 tylli toh kiwa chongdor Rs. 1.1112 lak kiwa dapoi waroh Rs. 11.94866 lak.
Ynne ka sngi, ka Election Commission of India (ECI), da pynman ko yaka yalang wa waroh ki jylla neibynta i lai beit ka Election MP, heiwa na Meghalaya da chimbynta da ki sahep sorkar wa kynthup ya u Chief Electoral Officer (CEO), u Director General of Police (DGP) wa u Chief Secretary (CS) yow yaklam sani hajrong i pynkhreh yaka Election, khamtam hawa yatoh wa ki thaw wa em ha khappood.
U Tiwari da khana wa em em 187 tylli ki Polling Station ha khappood wa kiwi ki jylla, 140 tylli ki Polling Station ha ki thaw khappood waka ri Bangladesh wei da pyntip u leh wa em hadooh 164 tylli ki Polling Station toh kiwa haap wow lai lyngba ka jylla Assam. Hajrong ini da ong u wa ki Chief Secretary yong ki ar jylla da yaklam ki waka Election Commssion yow lai ryntih.
Hawa kylli hajrong i long ki man ka aiñ ka kanun wa i suk i saaiñ ha ka jylla ha ini i por Election, u CEO da ong u wa ymtoh ware ka phang kawa heh ha Meghalaya, neibhah wa da leh ya iwa emkaam katkam ka aiñ wei katkam wa phah ka ECI.
Discussion about this post