Jowai: U MDC yong ka Sohmynting Khliehtyrchi Constituency u Lakhon Dkhar ynne ka sngi da saam paidbah u ya u khoo wa da pynlait u neibynta ka Dorbar Chnong Mynthong, Jowai haka yalang wa tbian wa pynman ha Community Hall wa pynlai da u waheh chnong u L. Pohktai chirup i emlang ki dkhot yong ka chnong.
Neiliang u Lakhon hawa e yei klam khana u wa ka District Council em ko hei duna poisa wot tang ka tulop ya ki wakreh leh jynjar u su, han kattæ leh hei bor wa khian yong oo pyrchang u wow thooh ki laad ki luti wow pynyoh yarap ya waroh ka Constituency khlem da ñiaw chiliang ne em i sñiaw Politic tangwa kitu hi wa rap tymbuiñ i yoh i la khamtam ha kam kini ki por wa khang chnong u yoh hi ki.
Kyntu haroh u ya waroh ki waheh chnong ka Constituency yong oo wow ya krehlang khamtam ha kam kani ka por neibhah ha man ki chnong chwa wow poi ki cha kiwa mihkhmat ki paidbah chaniah ki haki waheh chnong.
Heijooh i por kyrpaad haroh u yaki paidbah wow pdiang ki yeini i e sñiawbha yong oo dei mynsien wa khooid hanla man i iwa khian.
U Octomewot Lamin, Nominated MDC, JHADC uwa da emlang ha kani ka sngi hawa e yei klam, sneiñ kyntu haroh u yaki paidbah wow man ki kiwa syndong wei bood ryntih yaki kyndon ki aiñ ka sorkar lyngba ka chnat i chait i khiah neibhah wymtip yei lai luti wa chaphrang kat wym pu yoh yei dawai wa ye u yakhun pyrchah yei kjut na u COVID-19.
Discussion about this post