Ka Meghalaya Legislative Assembly da yoh khusnaam ko na ka Ministry of Parliamentary Affairs yei smat pynkrehkaam ya ka National eVidhan Application (NeVA). Ka Meghalaya Assembly da man ko kawi na ki 9 tylli ki Legislative Assembly hapoh ka ri wa da pynkrehkaam ya kani ka Application.
Ya kani ka khusnaam da e kti da u Union Minister of State for Parliamentary Affairs, u Arjun Ram Meghwal ha ka National Workshop hajrong ka NeVA kawa da pynman ha Convention Hall of The Ashok, New Delhi ha ka 25 tarik u Naisan.
Ya kani ka khusnaam da lai pdiang da u Dapborlang Marwein, Computer Programmer wa Nodal Officer (NEVA), Meghalaya Legislative Assembly waka Lawanda Lyndem, Deputy Secretary, Parliamentary Affairs Department, Government of Meghalaya & Nodal Officer, NeVA.
Ka NeVA toh ka wow pynsuk yei rukom pynkrehkaam deiwa pynemkaam da ka NIC Cloud, MeghRaj yow pynlai ryntih ya ki dorbar ka Meghalaya Assembly heiwa ki MLA da yoh ki yei waroh iwa emkaam ki khlem da emkaam u chon da ki kot ki sla.
Deiwa pynemkaam da ka NeVA, ki MLA ye ki wow yoh wut-wut yeiwa emkaam ki u tip hapoh ka yung dorbar nadooh ki kyndon aiñ pynlai dorbar, ki phang wa da wanrah, ki yulli wa ki jubab wa da wanrah, ki Bill wa da booh ha ka miej ka dorbar, ki Committee Report wa kiwi kiwi de ha ki Tablet wa da e cha waroh.
Ka NeVA daw pyndooh ko leh yeiwa emkaam wow phah Notice wa kiwi de ki kot ki sla wei ki MLA ye ki leh wow phah ya ki yukylli ki, ki Notice wa kiwi kiwi pyn da ki hi.
