Yoh khusnaam wa khlieh dooh ka manbei na Jowai ha New Delhi

Jowai : Ka kong Rithelma Passah kawa na Jowai da yoh ko ya ka khusnaam wa ha khlieh dooh yong ka Bharat Scout and Guide kawa tip kam ka Silver Star ha Durbar Hall, Rastrapati Bhavan New Delhi ha kani ka 5 tarik kawa saam da u President ka ri u Pranab Mukherjee.

Ka kong Rithelma toh kawa kha ha ka 20.04.1959 wei da man ko kam ka State Headquarter Commissioner (Guide Wing) yong ka Meghalaya Bharat Scouts and Guides kamjooh leh jooh man ko kam ka District Commissioner yong ka Jaiñtia Hills wa ka District Organiser (Guide) Jaiñtia Hills.

Da man ko kam ka Guide nadooh u snem 1974 na ka skur Government Girls’ High School, Jowai hapoh ka Captain ka kong Julie Shullai, da man ko kam ka Ranger (Senior Guide), ha ki por wa lai college ko da man ko kam ka Guide Captain.

Heipor wa kreh ko hapoh ka Education Department ha Jaiñtia Hills da pyndep ko ya ka sikai bniah (Advance Professional Training) kam ka Guide Captain kamjooh da pyndep ko ya ka sikai kam ka Commissioner ha ka National Training Centre, Pachmarhi wa ka Advance Commissioner’s Training ha Noida, New Delhi deilang wa ka Tynde ka kong E.N. Shullai waka Bluebell Wason ha u snem 1990.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha ki 42 snem wa em ko hapoh ka Scout and Guides ka kong Rithelma da chimbynta ko ha kiwa boon tylli ki kaam ka seiñ hapoh ka ri kamjooh cha baar ri.

Da dep yoh ko leh ya ka khusnaam State Award ‘Medal of Merit’, Special Thanks Badge and Certificate, Asia Pacific Adult Achievement Award ha u snem 2014.

Neiliang ka Meghalaya Bharat Scouts and Guides da e khublei ki ya ka deiwa ong wa ka da wanrah ko ya iwa boon i kylla yow pynthymme ya ka Scouts and Guides hapoh ka jylla wei kawa chimbynta na mynsien ha kiwon kiwon ki kaam.